Zbulohen detaje lidhur me grupin e Sarandës të kapur lidhur me një sërë grabitjesh me dhunë të ndodhura në zonën e Bashkisë Finiq.

Sië mëson “BalkanWeb” në pranga kanë renë Kleo Hysi, 32-vjec, lindur në Tepelenë dhe banues në Sarande dhe Paris Qurku, 39-vjec, lindur në Lushnje dhe banues në Sarandë, të dy me precedentë të mëparshëm penalë.

Ata në bashkëpunim me Jetmir Gerbin, 31-vjec, lindur dhe banues në Kolonjë kanë vjedhur me dhunë banesën e Dhimitër Papës, 91-vjeç ne fshatin Malcan, Finiq të cilin e kanë dhunuar dhe i kanë marrë 20 mijë lekë të reja dhe një armë gjahu “Bajkal” ruse kalibër 12 mm.

NJOFTIMI I POLICISE
Shërbimet e Komisariatit të Policisë Sarandë nën drejtimin e Prokurorisë, në vijim të veprimeve hetimore për zbardhjen dhe dokumentimin me prova ligjore të autorësisë së ngjarjes së ndodhur në 29 Gusht në fshatin Melçan, bënë të mundur zbardhjen e plotë, identifikimin, kapjen dhe ndalimin e të dy bashkëuatorëve të dyshuar për këtë ngjarje, konkretisht:
K. H., 32 vjeç dhe P. Q., 29 vjeç, me banim në Sarandë për veprën penale “Vjedhje me dhunë” e kryer në bashkëpunim.

Nga tërësia e veprimeve rezulton se më datë 29.08.2020, këta shtetas në bashkëpunim me shtetasin J.G., 31 vjeç, banues në Kolonjë, Gjirokastër (arrestuar në flagrancë), gjatë orëve të natës kanë vjedhur me dhunë banesën e shtetasit Dh.P në fshatin Melçan, Finiq, ku nëpërmjet forcës dhe dhunës kanë arritur të marrin një armë gjahu, si dhe një sasi vlere monetare prej 20.000 lekë të reja.

Nga hetimet e kryera, dyshohet se këta shtetas janë autorë të disa vjedhjeve të tjera, të ndodhura në këtë zonë për të cilat Policia nën drejtimin. e Prokurorisë po punon për zbardhjen dhe dokumentimin e plotë të tyre.
Materialet iu referuan Prokurorisë për veprime të mëtejshme.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: