Të tjera detaje dalin në dritë në lidhje me ngjarjen e rëndë që ndodhi në Durrës, ku një 49-vjeçar i hodhi acid ish-të dashurës së tij parukerie.
Ngjarja ndodhi në zonën e Plazhit. Burime zyrtare nga policia e Durrësit bënë me dije për BalkanWeb se ngjarja ka ndodhur pas ndarjes së tyre. Mësohet se ish-partneri i saj, shtetasi me inicialet Y.M. pas një konflikti, ka shkuar në biznesin e saj dhe e ka dëmtuar duke i hedhur substancë të dëmshme (acid) në trup.
Për ngjarjen e rëndë, Specialistët për Hetimin e Krimeve në Stacionin e Policisë Plazh referuan materialet në Porkurori dhe po punojnë për kapjen e 49-vjeçarit.
(BalkanWeb)
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
