Dhjetëra persona janë plagosur si pasojë e disa shpërthimeve që tronditën qytetin verilindor Maiduguri të Nigerisë.

Pas shpërthimeve në katër vendndodhje të ndryshme në qytet ka frikë për viktima të shumta, por autoritetet ende nuk kanë konfirmuar ndonjë numër përderisa përpjekjet e evakuimit po vazhdojnë.

Musa Saleh, një vullnetar që ndihmon zyrtarët në vend, tha se ai udhëhoqi një ekip që solli mbi 15 persona të plagosur, përfshirë fëmijë, në Spitalin e Universitetit Maiduguri.

Shumë anëtarë të familjes së viktimave u panë në repartin e urgjencës në spital.

“Ne arritëm në rrethin Gwange pas shpërthimit dhe sollëm në spital rreth 16 viktima të plagosura”, tha ai.

Disa nga të plagosurit janë nga zonat Kaleri dhe Bulabulin të qytetit dhe u sollën në spital me kamionë.//AA