Një 53-vjeçar ka rënë në prangat e policisë pasi akuzohet se ka dhunuar psikologjikisht dhe ka kërcënuar me armë zjarri bashkëshorten e tij.

Ngjarja në fjalë ndodhi në lagjen 10 Korriku në Shkodër. Burime zyrtare bënë me dije se ka qenë bashkëshortja e tij ajo që ka lajmëruar policinë.

Kjo e fundit mbërriti menjëherë në vendin e ngjarjes, ndërsa bëri të mundur neutralizimin dhe më pas arrestimin e shtetasit me inicialet R. Sh. Në cilësinë e provës materiale ju sekuestrua një armë zjarri pistoletë me silenciator.

Materialet iu referuan Prokurorisë së Rrethit Gjyqësor Shkodër, për veprat penale të “Mbajtja pa leje e armëve dhe municionit”, “Kanosja” dhe “Dhuna ne Familje”.
(ed.me/BalkanWeb)