TIRANË
Është arrestuar sërish nga policia Vladimir Gjuta. Gazetarja Dorjana Bezat raporton për “BalkanWeb” se Gjuta ka rënë në pranga më 4 janar, pasi akuzohet se ka rrahur me çekiç kushëririn e tij, duke i thyer dhëmbët dhe duke i dëmtuar njërin sy.
Vladimir Gjuta është një emër i njohur për drejtësinë shqiptare, pasi është arrestuar më parë si autori i vendosjes së tritolit në farmacinë e babait të ish-ministrit të Brendshëm, Saimir Tahiri, por që u lirua në fund të hetimeve.
Në atë kohë, Gjuta kishte kërcënuar ish-ministrin me një mesazh në numrin e tij personal. “Lëre të qetë familjen Gjuta, ndryshe do të kesh pasoja”! Pas këtij mesazhi Tahiri u mor në mbrojtje nga forcat RENEA.
Ndërkohë, Gjuta është arrestuar më vonë edhe për dhunë ndaj babait të tij, por u lirua, sepse familjarët nuk ngritën kallëzim penal.
(BalkanWeb)
