KORÇË- Policia e Korçës ka arrestuar një kryefamiljar për dhunë ndaj fëmijëve të tij. Sipas të dhënave zyrtare është vënë në pranga 50-vjeçari Arben Hajdinllari, i cili rezulton me precedent të mëparshëm penal për dhunën në familje.
Hajdinallari keqtrajtonte vazhdimisht 2 fëmijët e tij të mitur, vajza 12 vjeçe dhe djali 7 vjeç duke ushtruar dhunë fizike e psikologjike, ndaj tyre.
Pas arrestimit është plotësuar edhe kërkesë-padia, për lëshimin e urdhrit të mbrojtjes së menjëhershme.
Materialet i kaluan Prokurorisë të Rrethit Gjyqësor Korçë, për veprat penale “Dhunë në familje dhe “Keqtrajtim i të miturve”.
(m.k/BalkanWeb)