Diego Godin ishte pranë një transferimi te Juventusi që e dëshironte me ngulm lojtarin për eksperiencën e madhe në kompeticionet europiane, por mesa duket marrëveshje mes palëve nuk do të ketë.
“La Stampa” shkruan sot se futbollisti 32-vjeçar ka pranuar të rinovojë me Atletico Madridin dhe për këtë arsye ka urdhëruar agjentin të firmosë kontratën.
Juventus i kishte propozuar 32-vjeçarit Godin një kontratë 3-vjeçare, me një pagesë vjetore prej 4.5 milionë euro. Ideja e klubit bardhezi ishte që të arrinte të nënshkruante me uruguaianin përmes financimit të 45-50 milionë eurove që “Zonja e Vjetër” shpreson t’i arkëtojë nga shitja e Daniele Rugani, qendërmbrojtësi vetëm 24-vjeçar.
(e.k/BalkanWeb)