VLORE– Dy makina janë djegur gjatë natës së kaluar tek ‘Kthesa e Bushajve’ në fshatin Bunavi të Vlorës.
Mësohet se makinat kanë qenë të parkuara pranë një banesë dhe pronari A.A i ka denoncuar si të vjedhura. Mjetet që janë djegur janë një furgon dhe një mjet tip ”Golf”, i cili rezulton me targat e një tjetër mjeti.
Paraprakisht policia dyshon se djegia e makinave është e qëllimshme. Vijojnë hetimet për zbardhjen e plotë të shkaqeve të ngjarjes dhe identifikimin e autorëve.
Informacion paraprak
Më datë 12.05.2018, Salla Operative Vlorë, është njoftuar se në fshatin Bunavi janë gjendur të djegur një mjet fugon në pronësi të shtetasit A.A., të cilin sot e ka denoncuar mjetin të vjedhur si dhe një mjet tip ”Golf”, i cili rezulton me targat e një tjetër mjeti.
Grupi hetimor ka shkuar në vendngjarje dhe ka nisur punën për zbardhjen e rrethanave të ngjarjes dhe identifikimin e kapjen e autorëve.
(BalkanWeb)