Një automjet në Durrës është përfshirë nga flakët gjatë orëve të para të mëngjesit të sotëm. Ngjarja ndodhi në orën 03:30, në lagjen nr. 15. Burime zyrtare nga policia bënë me dije se ka marrë flakë mjeti tip “BMW”, në pronësi të shtetasit R. Xh. dhe si pasojë ka patur vetëm dëme materiale.

Në ambientet e Policisë Durrës janë shoqëruar disa persona të dyshuar që mund të kenë dijeni për ngjarjen.

Grupi hetimor ndodhet në vendngjarje dhe punon për zbardhjen e rrethanave të ngjarjes.
(BalkanWeb)