Tottenham rrezikon që dy sezonet e ardhshme të humbasë shërbimet e “yllit” të skuadrës, Son Heung-min, jo për shkak të interesimit të ndonjë skuadre, por se duhet të kryejë shërbimin e detyrueshëm ushtarak.
Ligji në Korenë e Jugut detyron të gjithë meshkujt nën moshën 28 vjeç të kryejnë shërbimin ushtarat që zgjat nga 21 deri në 36 muaj.
Futbollisti 25-vjeçar çdo sezon ka njohur rritje dhe në këtë aktualin është shëndërruar në një pikë referimi për skemat e Pochetino-s. Son edhe në takimin kundër Juventusit dëshmoi aftësi të shkëlqyera dhe mungesa e tij në sezonet 2019-2020 dhe 2020-2021 do të ishtë një humbje e madhe për ‘spërsat’.
Gjithsesi ekziston një mundësi që klubi anglez të mos humbasë shërbimet e sulmuesit, por që nuk ka të bëjë me ta.
Ligji në Korenë e Jugut përjashton nga detyrimi i kryerjes së këtij shërbimi vetëm ata sportistë, të cilët bëjnë paraqitje të shkëlqyera në turnetë ndërkombëtare. Kjo do të thotë se nëse Son do të bëjë një Botëror për t’u mbajtur mend në “Rusi 2018”, atëherë mund t’i shmanget shërbimit ushtarak në vendin e tij.
(e.k/BalkanWeb)
