Dinamo zyrtarizoi trajnerin e ri për sezonin e ardhshëm me misionin për rikthimin në Kategorinë Superiore. Përmes një njoftimi zyrtar, klubi dinamovit shkruan:
“Nevil Dede është trajneri i ri i 18 herë kampionëve! Futboll Club Dinamo njofton nënshkrimin e kontratës me trajnerin Nevil Dede. Tekniku 47-vjeçar do të drejtojë projektin Dinamovit drejt rikthimit në elitën e futbollit.
Gjatë ditës së sotme Presidenti i FC Dinamo, z.Adrian Bardhi dhe trajneri Dede, kanë nënshkruar kontratën që e bën teknikun pjesë të klubit blu për sezonin e ri.
Ish-mbrojtësi i kombëtares kuqezi vjen te Dinamo pas një sezoni të suksesshëm, ku drejtoi skuadrën e Erzenit drejt rikthimit historik në Kategorinë Superiore.”
(BalkanWeb)
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
