Në homazhet e zhvilluara tek Varrezat e Dëshmorëve në ditën e Çlirimit, morën pjesë si çdo vit edhe veteranët e luftës dhe anëtarë të Partisë Komuniste.
Me parulla në duar dhe me fotot e Enver Hoxhës, ato nderuan ish-diktatorin komunist tek monumenti “Nënë Shqipëri”
“Lufta Clirimtare është ndër më të madhërishmet, një nga ato luftra për jetë a vdekje,” shprehej një anëtar i PK.
Më herët dhe kryetarja e LSI-së Monika Kryemadhi, ka zgjedhur që këtë ditë ta përkujtojë sot, ashtu si maxhoranca.
Por pavarësisht këtij fakti, Kryemadhi dhe grupi i LSI zgjodhën një tjetër orë nga ajo e krerëve të shtetit, për të marrë pjesë në homazhe.
Pasi vendosi kurorë me lule në Varrezat e Dëshmorëve, Kryemadhi dha edhe një mesazh të qartë; nderimin dhe kujtimin e të gjithë djemve dhe vajzave që dhanë jetën për lirinë e Atdheut.
(e.f/BalkanWeb)