Policia suedeze ka refuzuar të japë leje për një tubim të ri që do të përfshinte një incident tjetër të djegies së Kuranit.
Në janar, një aktivist i ekstremit të djathtë dogji një kopje të librit të shenjtë mysliman jashtë një xhami në Kopenhagen. Kjo ngjarje nuk kaloi pa u vënë re dhe kritikuar në qeveria turke, e cila e quajti incidentin si ‘urrejtje’.
Policia e Stokholmit tha se refuzoi një aplikim të ri për një protestë, ku thuhej se një Kuran-i do t’i vihej zjarri, sepse “rriste rrezikun e sulmeve kundër Suedisë”.
Mësohet se organizatorët e tubimit të ri kanë apeluar vendimin e departamentit të policisë.
Në fillim të këtij muaji, agjencia suedeze e sigurisë së brendshme SAPO, paralajmëroi se kërcënimi i sulmeve në vend është rritur.
Agjencia vuri në dukje se reagimet ndërkombëtare ndaj ngjarjeve jashtë ambasadës në janar duke thënë se “situata e sigurisë është përkeqësuar”.
“Suedia gjykohet të jetë në fokus më të madh se më parë për islamizmin e dhunshëm globalisht,” tha SAPO.
(BalkanWeb)