GREQI

Një shqiptar me rrezikshmëri të lartë kriminale në Greqi u arrestua pasi ishte larguar nga burgu më 24 prill të 2019.

Ai u arrestua të shtunën pasdite teksa është dënuar me 21.8 vite burg nga Gjykata e Athinës për tregti droge, vjedhje, armë pa leje, falsifikim dokumentesh e vepra të tjera penale.

Në prill të 2019 shqiptari mori leje 6-ditore nga burgu i Domokosë dhe nuk u kthye më. Ai u arrestua në Pirgo të Ilias, ku në makinë iu gjet një kallashnikov dhe 30 plumba. Sipas Policisë greke, ai ishte nisur për të kryer një grabitje.

(BalkanWeb)