Në mbledhjen e sotme të Komisionit për Ekonominë dhe Financat, deputeti socialist Erion Braçe ka pasur një debat me zëvendës ministrin e Energjisë, Ilir Bejtja.

Braçe, ashtu si edhe herë të tjera që ka qenë në mbështetje të fermerëve vendas dhe problematikave me të cilat përballen ata, është shprehur se ashtu siç janë rritur çmimet e hekurit apo produkteve të tjera të ndërtimit, është normale të pritet që edhe gruri të rritet sipas çmimeve të bursës.

Bejtja është përgjigjur se një gjë e tillë nuk mund të ndodhë pasi aktualisht çmimi i grurit në vendin tonë është në përputhej me atë të bursës. Ai është shprehur se është dakord që çmimi duhet rritur por kjo nuk mund të diskutohet në këtë mbledhje.

Erion Braçe: A keni një listë të kontratave se ka shkolla që nuk janë mbaruar. Ky afat kaq i gjatë pa bërë analizë nëse kontrata është apo jo me afat krijon mundësi për spekulim sepse në 1 janar 2022 çmimet janë rritur pretendoni ju.

Ilir Bejtja: Mund të përjashtohen kontratat që janë jashtë afatit.

Është në diskrecionin tonë dhe tuajin ta vërtetojmë dhe kontratat jashtë afateve paguajnë penalitete dhe nuk mbështeten.

Braçe: Do ta shohim. Po i bëj thirrje kujtdo që grurin ta shesin me çmimin e bursës.

Bejtja: Nuk e shesin dot se është më lirë gruri në bursë se këtu.

Braçe: Po hekuri si është?

Ilir Bejtja: Lidhur me çmimin e grurit që ju përmendni këtu, edhe unë mendoj personalisht se prodhuesit duhet të rrisnin çmimin e grurit sepse janë rritur kostot.

Erion Braçe: Si the dhe njëherë?

Ilir Bejtja: Edhe unë mendoj se duhet të rrisin çmimet, por unë nuk jam për këtë çështje këtu. Jam për një çështje tjetër dhe duhet të përgjigjem për të.

Erion Braçe: Po ti qenke arrogant!

Ilir Bejtja: Vetëm unë nuk jam arrogant, të gjithë më njohin që unë nuk jam arrogant, por po mundohem dhe po përpiqem që t’ju sqaroj.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: