Kreu i Grupit Parlamentar të PD, Enkelejd Alibeaj në një deklaratë nga Kryesia e Kuvendit tha se në dokumentin zyrtar të propozuar palët do të binin dakord rreth kritereve.

Gjithashtu Alibeaj theksoi se është i keqardhur që procesi shkoi siç e kishte parashikuar, duke shtuar se Kushtetuta e do që presidenti të jetë i shqiptarëve dhe jo i dhomave të errëta.

Pyetje-Përgjigje: 

A i keni 20 firma?

Alibeaj: Ne kemi firmat jo për një po për dy, por kujtoj që ky proces u bë që produkti të ishte konsensual, pra Kushtetuta e do që Presidenti të jetë i shqiptarëve. Ndoqëm këtë rrugë për të marrë garanci dhe ti tregojmë publikut që procesi të jetë konsensual.

Rezultati ju vjen keq që është siç e deklaroi Komisioni i Rithemelimit?

Alibeaj: Ne u nisëm për një proces në sytë të publikut dhe jo një proces dhomash të errëta, .Ne kemi qëndruar parimor për një president të të gjithëve, keqardhja ime është fakti që në atë mbledhje homologu im tha bien dakord për dokumentin tuaj, por ja pra dokumenti i shkel nga ana e PS. Keqardhja është për faktin se asnjë nga përgjërimet e veta, se në ja lëmë opozitës, por ju kam thënë në do të marrim pjesë për të treguar maskën hipokrite që ky pushtet ka.

Do të negocioni më me PS, do të propozoni më emra?

Alibeaj: Është e qartë për ne që kemi qenë serioz dhe kjo na ka karakterizuar. Ja përse çdo gjë e dokumentuam dhe e bëmë në sy të publikut.