Ekuadori ka përjetuar dhunë në rritje, duke përfshirë hedhje në erë të makinave dhe trazira në burgje, të cilat kanë çuar numrin e të vdekurve në 400, në pak më shumë se një vit.
“Një seri faktorësh si afërsia gjeografike me Kolumbinë, një kufi poroz, korrupsioni, aleancat e reja kriminale, kartelet meksikane, mosmarrëveshjet mbi rrugët e trafikimit dhe rritja e dhunës shpjegojnë kryesisht rritjen e vrasjeve, veçanërisht në portet e Guayaquil dhe Esmeraldas”, tha Renato Rivera, një studiues me Rrjetin Amerikan Latin me bazë në Kuito për Analizën e Sigurisë dhe Krimit të Organizuar, për Diálogo.
Ndërkohë, Presidenti i Ekuadorit Guillermo Lasso tha për CNN në Spanjë më 16 maj: “Lufta kundër dhunës duhet të mposht mafiet ndërkombëtare që besojnë se Ekuadori është i tyre. Ne do ta fitojmë këtë betejë, veçanërisht me mbështetjen e miqve të mirë”.
“Pjesëmarrja e Departamentit të Shtetit dhe Departamentit të Mbrojtjes së SHBA-së është strukturuar për të rritur bashkëpunimin me Ekuadorin”, shtoi më tej Rivera, duke nënvizuar se “Shtetet e Bashkuara janë lojtari më i rëndësishëm që Ekuadori ka përkrah për sa i përket trafikut të narkotikëve me burime, trajnime, teknologji dhe shkëmbim informacioni.”
Ndërkohë, Ekuadori dhe Peruja kanë rënë dakord të rrisin bashkëpunimin në sigurinë kufitare për të forcuar luftën kundër krimit transnacional në të gjitha format e tij: trafikun e njerëzve, drogës, armëve, municioneve dhe eksplozivëve.
“Ne nuk jemi vetëm, ne kemi mbështetjen e Shteteve të Bashkuara, Mbretërisë së Bashkuar, Kolumbisë, të cilët si miq dhe vëllezër të mirë po na mbështesin në një luftë që nuk është e lehtë; ne jemi në një fazë kontrolli për të hyrë më pas në një fazë të tërheqjes për të ulur nivelin e dhunës,” shtoi Lasso.
Sipas Riveras, kartelet meksikane Jalisco Neë Generation (CJNG) dhe Sinaloa janë lojtarët kryesorë në kontrabandën ajrore përgjatë bregdetit ekuadorian. “Aeroplanët vijnë e shkojnë nga Amerika Qendrore, shumë me flamuj meksikan. Ata sjellin armë, para, kokainë dhe benzinë”, nënvizoi ai.
Gazeta ekuadoriane Primicias raportoi se banda më e madhe kriminale e Ekuadorit, Los Choneros, mbështet Frontin Oliver Sinisterra, një grup disident i Forcave të Armatosura Revolucionare të Kolumbisë (FARC) dhe Kartelin Sinaloa. Rivalët e tyre, Los Tiguerones, bashkëpunojnë me CJNG dhe Urías Rondón Mobile Column, një grup tjetër disident i FARC.
“Presioni nga kartelet meksikane për të respektuar dërgesat, i shtuar pjesëmarrjes në rritje të organizatave evropiane dhe mafiozëve shqiptare, të cilat janë jashtëzakonisht të dhunshëm, po ushtrojnë presion mbi trafikun e narkotikëve në vend”, tha Rivera.
Në vitin 2021, autoritetet ekuadoriane çmontuan më shumë se 1,350 banda, sekuestruan më shumë se 7,500 armë dhe 231 ton drogë, përfshirë kokainë dhe marihuanë. Deri në fund të majit 2022, autoritetet kanë sekuestruar 85 ton drogë, trefishi i sasisë së sekuestruar në vitin e kaluar në të njëjtën periudhë.
Ndërkohë, Ekuadori do të modernizojë forcat e tij të sigurisë me trajnime ndërkombëtare dhe blerjen e pajisjeve, armëve, municioneve dhe teknologjisë për të forcuar inteligjencën e zbatimit të ligjit.
“Përmes Ministrisë së Brendshme dhe me mbështetjen ndërkombëtare ne do të investojmë 1.2 miliardë dollarë gjatë tre viteve të ardhshme për të forcuar forcën tonë policore. Policia Kombëtare do të ketë 30 mijë efektivë të rinj me uniformë”, përfundoi Laso.
