Netflix ka premtuar se do të zbulojë sekretet e kujdestarisë së Britney Spears në një dokumentar të ri.
“Britney vs Spears” do të mbërrijë në shërbimin e transmetimit më 28 shtator, një ditë para seancës së fundit gjyqësore për marrëveshjen e diskutueshme ligjore, që kontrollon jetën dhe paratë e saj.
“Britney nuk ka patur kurrë një person tek i cili të mund të kishte besim, as nënën, as babain” thotë një person në minutazhin e prezantimit të filmit.
Një tjetër shton: “Britney kishte frikë se familja e saj do të ndërhynte dhe do të merrte gjithçka”.
Spears, 39 vjeçe, ka qenë nën kujdestari, një situatë e rezervuar zakonisht për të moshuarit ose të sëmurët, që nga viti 2008, pas një sërë problemesh mendore.
Babai i saj, Jamie, ka qenë duke mbikëqyrur pasurinë e saj, pavarësisht protestave të saj.
Dokumentari pretendon se ka “stimuj financiarë” për Jamie, 69 vjeç dhe avokatët e përfshirë në këtë rast.
“Britney vs Spears” drejtohet nga regjisori amerikan, Erin Lee Carr.
Nuk është e qartë nëse ylli i popit ka patur apo jo ndonjë përfshirje në dokumentar.