Presidenti ukrainas Volodymyr Zelensky ka bërë me dije se luftëtarëve të Azovstal,të fundit që ishin duke bërë rezistencën ukrainase në Mariupol, iu dha një sinjal i qartë për të dalë dhe për të shpëtuar jetën e tyre, pas pretendimeve të ushtrisë ruse që ata ishin dorëzuar.

“Sot djemtë morën një sinjal të qartë nga komanda ushtarake se ata mund të dalin dhe të shpëtojnë jetën e tyre,” tha Zelensky për një kanal televiziv ukrainas, raportoi Reuters.

Ministria ruse e mbrojtjes tha se grupi i fundit i mbrojtësve të regjimentit Azov, një grup prej 531 personash, u dorëzua sot , duke shtuar se që nga 16 maji, 1,439 ushtarakë ukrainas kishin dorëzuar armët.

Pak më parë autoritetet ruse bënë me dije se kishin marrë kontrollin e plotë të uzinës.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb