Sekretari i Përgjithshëm i PD Gazmend Bardhi me anë të një statusi në “Facebook” shkruan se duhet të vihet drejtësia për viktimat e 26 nëntorit.

Bardhi thekson se qytetarët në Thumanë vdiqën nën rrënoja, nga papërgjegjshmëria e qeverisë.

Postimi i Gazmend Bardhit:

Autorët e vrasjes së paralajmëruar të 24 qytetarëve në pallatet e Thumanës duhet të vihen menjëherë përpara drejtësisë.

Asnjë propagandë, me apo pa përdorimin e fëmijëve, nuk e fsheh dot të vërtetën! Qytetarët vdiqen nga papërgjegjshmëria e Qeverisë për të bërë detyrën pas tërmetit të 21 Shtatorit! Institucionet shtetërore neglizhuan çarjet e strukturës nëpër banesat në Thumanë deri në momentin fatal të mëngjesit të 26 nëntorit.

#Drejtësi për viktimat e 26 Nëntorit

(d.xh/ Balkanweb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb