Manchester City mohoi të enjten informacionin sipas të cilit Pep Guardiola do të largohet nga Juventusi këtë verë. Alberto Galassi, italian dhe anëtar i bordit të Manchester Cityt, e përshkroi çështjen si “qesharake” në deklaratat për kanalin Sky Sport.

“Si anëtar i bordit, isha shumë i befasuar të lexoja këtë lajm. Është vërtet qesharake,” tha Galasi. Ai shtoi: “Çështja  është shumë e thjeshtë. Trajneri dëshiron të qëndrojë në qytet dhe ka edhe dy vjet kontratë me ne. Guardiola, i cili është në Abu Dhabi, ndihet i mërzitur me këtë dhe nuk e kupton se fjala e tij nuk respektohet. Kjo çështje nuk ekziston, nuk është. Më vjen keq për tifozët e Juventusit. Por klubi i tij do të gjejë një trajner tjetër në kulm. ”

Menaxheri i Manchester Cityt mohoi se Guardiola udhëtonte për në Milano në ditët e fundit. “Ai është duke shijuar disa ditë me diell në plazh. Një klub i strukturuar dhe menaxhuar mjeshtërisht si Juventusi nuk do të kishte lejuar një lajm të tillë që të dalë (largimi i Guardiolës) pa u kontaktuar me ne, do të ishte gjëja e parë që do të kishte bërë”.

Një kontratë e re me Cityn?  “Nuk është planifikuar, ka kohë”, ështe shprehur Galassi.

BalkanWeb