Drejtori i Përgjithshëm i Organizatës Botërore të Shëndetësisë (OBSH) Tedros Adhanom Ghebreyesus vizitoi një spital fushor në Hatay të Turqisë së bashku me ministrin e Shëndetësisë Farhettin Koca.

“Dëshiroj të them se ne si Organizatë Botërore e Shëndetësisë jemi të gatshëm të ofrojmë çdo ndihmë në përputhje me prioritetet që na janë përcjellë. Gjithashtu, dua të tërheq vëmendjen se ky tërmet dhe ndikimi i tij janë vërtet masiv. ”, tha Ghebreyesus.

OBSH më herët lëshoi ​​3 milionë dollarë nga Fondi i Kontingjentit për Emergjencat për të ndihmuar Sirinë dhe Turqinë, pas dy tërmeteve shkatërruese të 6 shkurtit.

Këto dhe qindra pasgoditje shkaktuan shkatërrime të konsiderueshme në secilën anë të kufirit, duke marrë mijëra jetë në të dy vendet dhe duke dëmtuar ose shkatërruar infrastrukturën thelbësore, përfshirë objektet shëndetësore.

“Këto kanë qenë disa nga tërmetet më të fortë që kanë goditur rajonin në një shekull, duke nxitur një përgjigje humanitare globale, duke përfshirë nga OBSH dhe partnerë të tjerë të Kombeve të Bashkuara me kërkesë të qeverisë turke”, sipas një deklarate të OBSH-së më herët.