Pfizer ka kërkuar miratimin urgjent të vaksinës në Evropë, Australi, Kanada, Japoni, Mbretëri të Bashkuar dhe në Shtetet e Bashkuara, raportojnë agjencitë e huaja.

Sipas AP, Pfizer po kërkon gjithashtu nga rregullatorët e SHBA-së për miratim të jashtëzakonshëm për vaksinën e saj dhe shpreson që ajo të mund të përdoret në fillim të dhjetorit. Më realisht, vaksina do të aprovohet brenda dy javësh.

“Ne duam të dorëzojmë vaksinën në mënyrë sa më të sigurt dhe efektive të jetë e mundur dhe sa më shpejt të jetë e mundur”, tha CEO i Pfizer Albert Bourla.

Washington Post thotë se Pfizer do të jetë kompania e parë në SHBA që kërkon miratimin urgjent, gjë që u përshëndet nga ministri i shëndetësisë duke thënë se do të ishte një dritë në fund të tunelit.

Dhe Washington Post deklaron se kjo lëvizje do të thotë që vaksina mund të bëhet e disponueshme për disa javë.
“Ndihma është në rrugë e sipër”, shtoi Anthony Fauci përpara njoftimit të Pfizer.
“Kjo është një ditë historike, një ditë historike për shkencën dhe për të gjithë ne”, tha CEO i Pfizer Albert Bourla, shkruan tg.

“Na u deshën vetëm 248 ditë nga dita kur njoftuam planin për të punuar me BioNTech për të dorëzuar aplikacionin e miratimit të FDA.
Ne kemi punuar me shpejtësi të jashtëzakonshme në programin tonë klinik, nga koncepti te miratimi i rregullatorit, dhe ishim të përqendruar në sigurinë gjatë gjithë kohës”, shtoi ai.

Sondazh


Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: