Situata politike në Mal të Zi duket se është tensionuese. Kryeministri i Malit të Zi, Dritan Abazoviç ka deklaruar se idetë për rrëzimin e qeverisë e distancojnë vendin nga Bashkimi Europian.
“Se kush dëshiron ta destabilizoje Malin e Zi dhe kush përfiton le ta gjykojnë qytetarët. Kryeministri dhe qeveria nuk do ta inkurajojnë këtë destabilizim”, ka theksuar ai.
Gjithashtu i pyetur nëse është vënë në pikëpyetje mbijetesa e pushtetit ekzekutiv, ai është përgjigjur duke thënë se edhe kjo është e mundur dhe se një skenar i tillë mund të ketë filluar.
(BalkanWeb)