Duke nisur nga 14 shtatori, Mali i Zi vendos rregulla të reja për të hyrë nga Shqipëria drejt territorit të tij.

Lajmin e ka bërë të ditur Ministria për Europën dhe Punët e Jashtme. Sipas MEPJ shqiptare, në kufi udhëtarët duhet të kenë test negativ.

NJOFTIMI I MEPJ
‼️Ministria për Evropën dhe Punët e Jashtme njofton se duke filluar nga ? data 1️⃣4️⃣ shtator 2021, të gjithë qytetarët e huaj që duan të udhëtojnë drejt Malit të Zi, duhet të paraqesin:

➡️ Një vërtetim që kanë kaluar 14 ditë nga rivaksinimi, për vaksinat që jepen me dy doza, ose kanë kaluar 14 ditë nga vaksinimi për vaksinat që jepen me një dozë;

➡️ Një test PCR negativ Covid-19 jo më të vjetër se 72 orë, ose testin pozitiv PCR nga i cili kanë kaluar të paktën 14 ditë, por jo më shumë se 180 ditë;

➡️ Test negativ antigjen, jo më të vjetër se 48 orë;

? Qytetarët e Malit të Zi dhe shtetasit e huaj me qëndrim të përkohshëm në Mal të Zi, të cilët nuk plotësojnë asnjë nga kushtet e e mësipërme, duhet të karantinohen. Izolimi mund të ndërpritet pas një testi PCR negativ, pas ditës së gjashtë nga kalimi i kufirit.

? Personat nën moshën 18 vjeç (shtetas malazezë, apo të huaj) nuk i nënshtrohen këtyre rregullave.