Ajo sheh me adhurim djalin e saj të porsalindur Louis, në ditën e tij të pagëzimit. Dukesha e Cambridge me Prince Louis shfaqen të mrekullueshëm në disa foto të postuara sot nga Kensington Palace, por të realizuara të hënën e kaluar.
Louis që sot bën 12 javë, gjatë ceremonisë së pagëzimit flinte, por në fotot e realizuara në kopshtin e Clarence House sheh nënën e tij e cila i buzëqesh me adhurim.
Fotot e realizuara nga fotografi Matt Holyoak tregojnë Kate dhe djalin e saj në poza të mrekullueshme. Louis shfaqet i veshur me mantelin e pagëzimit mbretëror, me dantelle sateni, një veshje e krijuar që në 1841 për vajzën e madhe të Mbretëreshës Victoria, Princeshën Victoria.
Fustani është veshur më pas në të gjithë pagëzimet mbretërore të mëvonshme, përfshirë fëmijët e mbretëreshës Elisabetta, nipërit dhe mbesat e saj. Por në 2008 duke parë që fustani po prishej dhe po bëhej delikat u realizuar një tjetër kopie me dorë njësoj si origjinali.
Në foto të tjera shfaqet Kate, William, me fëmijët e tyre, princin George dhe princeshes Charlotte, Princi Charles me bashkëshorten Camilla, nëna dhe babai i Kate Middleton, motra Pippa me bashkëshortin, vëllai i dukeshës së Cambridge, James, Princi Harry me bashkëshorten Meghan. Fotot janë publikuar sot në Twitter nga Kesington Palace.
(da.xha/BalkanWeb)