DURRËS- Shoqata për Mbrojtjen e Vlerave Kulturore në bashkëpunim me simpatizantë të Partisë Demokratike kanë organizuar një protestë qytetare në sheshin “Iliria” në qendër të qytetit të Durrësit, kundër heqjes së shatërvanit nga ana e Bashkisë.
Protestuesit kanë kërkuar rikonstruksionin dhe rikthimin e shatërvanit në qendër të qytetit. Shatërvani 86-vjeçar u hoq disa netë më parë nga Bashkia, pasi në qendër të qytetit po kryhet një investim prej 1.4 mln euro për rivitalizimin e sheshit.
(m.k/BalkanWeb)