Jorida Tabaku, kandidate e Partisë Demokratike në këto zgjedhje , e ftuar përmes një lidhje “Skype” në studion e lajmeve në “News 24”, foli mbi fushatën elektorale të PD deri në këto momente.

Tabaku i bëri thirrje administratës që të mos i nënshtrohen presioneve, por të votojnë lirisht për këdo të dëshirojnë.

Gjithashtu, Tabaku pretendon se kandidati nga radhët e Partisë Socialiste, Fatmir Xhafaj, po u bën presion qytetarëve duke i thënë se në Njësinë 10 në kryeqytet, ku do të votohet për herë të parë në mënyrë elektronike, vota do të shihet.

Ajo siguroi qytetarët se ky sistem pilot, ka ardhur me insistimin e PD dhe vota është e fshehtë e asnjë fletë nuk del e pavlefshme, pasi sistemi sipas saj, nuk e lejon një gjë të tillë.

Jemi në ditën e fundit të kësaj fushate, si do e vlerësonit?

Jorida Tabaku:
Po bëjmë përgatitjet e fundit për procesin e votimit. PD është përpjekur të flasë me qytetarët për programin dhe zgjidhjet, ne kemi forcuar paketë të qartë për grupet e diskutuara. Kam takuar qindra njerëz që kam diskutuar për zgjidhjet. Shqiptarët janë lodhur nga sharjet, baltosja, shqiptarët na kërkojnë të ndryshohet ekonomia. Ata na kërkojmë që të punojmë për fëmijët e tyre. Qytetarët na kanë vlerësuar sepse kemi ofruar normalitetin, ndërkohë nga krahu tjetër ka vetëm arrogancë, ka ekip me drejtorë të korruptuar.
Prisni një proces zgjedhor të qetë dhe pa probleme?
Jorida Tabaku: Besoj që s’ka pasur asnjë problem. Përdorimi i administratës, presioni mbi votuesin, presioni i shit-blerjes së votës ka ardhur nga paniku që ato janë duke humbur. Më 25 prill s’do të ketë asgjë, do të largohet Edi Rama dhe do të përfundojë procesi i tranzicionit. Besoj që pavarësisht çdo presioni, thirrja që vjen nga Buenstagu shpresoj të dëgjohet nga qeveria. Ne kemi bërë të mundur që zgjedhjet të jenë festë demokracie.

Dosjet e famshme të Dibrës dhe Shijakut i kanë dhënë argument opozitës. Ngjarjet e fundit i kanë dhënë më shumë kundërshtarëve se sa juve në këtë drejtim?

Jorida Tabaku: Çështjet që ne kemi ngritur dhe janë ndërkombëtare kanë ndodhur në Shqipëri. Rasti i Dibrës është flagrant, ku u gjet një makinë me para dhe karta ID. PD po fiton dhe ata po bëjnë maksimumin për të blerë vota. Fryma e njerëzve që takoj është e jashtëzakonshme, dëgjoj të rinj që bëjnë Shqipërinë online dhe do të votojë, ka njerëz pafund që do të votojnë. Ka punonjës administrate që thonë do të votojmë, nga mësues, punonjës policie. Kam marrë mesazhe nga punonjës të Bashkisë Tiranë ku iu ka thënë të mos votojnë. Bandat që kanë cënuar rendin dhe sigurinë, dosja e Dibrës dhe e Durrësit është e vërtetë, ngjarjet e fundit po e konfirmojnë këtë. Këta janë përpjekjet e fundit të PS.

Ju besoni që versioni pilot do të funksionojë?

Jorida Tabaku: Unë do të ndalem në dy momente në procesin e numërimit të votës, për herë të parë pas insistimit të PD, do të votohet me votim elektronik në Njësinë 10. Xhafaj i bën presion administratës dhe i thotë që me votimin elektronik shihet kush voton. Unë i siguroj që vota është e fshehtë. Fshehtësia e votës ruhet 100%. I bëj thirrje KQZ të marrë masat e menjëhershme të ndalojë presionin e Fatmir Xhajfajt ndaj administratës, votimi elektronik është e fshehtë, vota s’do të lexohet. Dega 10 në fakt është degë pilot, e dua të siguroj që ajo ka ardhur si rezultat i PD. Është sistem që do të donim të ishte në shumë zona të tjera, por do të jetë në këtë njësi. Në prizmin më të gjerë, nuk ka asgjë që e ndal ndryshimin. Do të kujdesemi që kushdo të votojë të votojë. Do të reflektohet qytetari, do të votojnë njerëzit e arsimuar. Ndërkohë nga pala tjetër kemi parë grupe kriminelësh përballë.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb