Uendi Vecaj dhe Abdul Khalid nuk do të jenë më pjesë e Teutës së Durrësit për pjesën e mbetur të sezonit. Shkodrani 22-vjeçar dhe ganezi 23-vjeçar kanë ndërprerë marrëveshjen me “Djemtë e Detit” dhe janë në kërkim të një aventure tjetër.
Ka qenë vetë klubi durrsak që ka njoftuar divorcin me dy lojtarët nëpërmjet njoftimeve në faqen zyrtare në Facebook.
Por jo vetëm largime. Teuta ka përforcuar sulmin me shtatlartin nga Guinea, Ide Kulibali. Sulmuesi 204 cm bashkohet me bregdetarët pas aventurës me skuadrën nga Gjibraltari, Linkoln FC.
(Balkanweb)