VLORË

Policia e Vlorës ka arrestuar dy persona, njëri prej tyre në kërkim, ndërsa tjetri ka tentuar t’i ikë policisë.


Policia ka arrestuar në flagrancë 18-vjeçari me iniciale K. M., banues në Vlorë pasi ka refuzuar t’u ndalojë shërbimeve të rendit dhe gjatë ndjekjes nga Policia është kapur në flagrancë në lagjen “Pavarësia”.


Nga kontrolli i ushtruar ka rezultuar se në automjetin tip Benz, drejtuar nga shtetasi K. M. është gjetur një armë zhurmuese, si ato që përdorin fishekë manovër.


Gjithashtu, 18-vjeçari nuk ishte i pajisur me leje drejtimi përkatëse për drejtimin e automjeteve.

Materialet iu referuan Prokurorisë, për veprat penale “Mosbindja ndaj urdhrit të punonjësit të policisë së rendit publik”, “Mbajtja pa leje e armëve të gjuetisë dhe sportive” dhe “Drejtimi i automjetit në mënyrë të parregullt”.

Po kështu është ndaluar shtetasi në kërkim E. Ç., 44 vjeç, banues në Vlorë. Ndalimi i tij u bë pasi në vitin 2018 Gjykata e Shkallës së Parë Vlorë e ka dënuar me 6 vite burgim për veprën penale “Trafikimi i narkotikëve”, nga të cilat i kanë mbetur edhe 3 vite e gjysmë.

(BalkanWeb)

 

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb