Policia e Kosovës ka reaguar pas sulmit të dy shqiptarëve në veri të Mitrovicës. Autoritetet kanë konfirmuar se shqiptarët kanë qenë në hyrje të sheshit dhe se janë sulmuar nga një grup kriminelësh.

Autorët që kanë kryer sulmin, kanë qenë të maskuar dhe të organizuar.

“Njësitet policore kanë ndërhyrë menjëherë për të parandaluar sulmin, përderisa personat e dyshuar kanë ikur në drejtime të ndryshme të qytetit. Si pasojë e sulmeve dy viktimat kanë pësuar lëndime trupore dhe të njëjtit janë dërguar për trajtim mjekësor”, thuhet në njoftim.