Dy persona u vranë dhe tetë u plagosën në një sulm rus në qytetin e Toretsk në rajonin lindor të Donetsk, tha guvernatori rajonal Pavlo Kyrylenko.
Kyrylenko tha se Rusia kishte përdorur bomba ajrore me eksploziv të lartë në sulmin rreth orës 11:30 të mëngjesit (0830 GMT), duke dëmtuar një pikë karburanti dhe një ndërtesë shumëkatëshe në qytetin e vogël, i cili kishte një popullsi të paraluftës prej rreth 30,000 njerëz.
Shërbimet e shpëtimit po punonin në vend, tha ai, duke u bërë thirrje banorëve të mbetur të evakuohen.
“Çdo ditë, rusët godasin me qëllim civilët në rajonin e Donetsk”, tha Kyrylenko në aplikacionin e mesazheve Telegram.
Rusia ka mohuar më parë se ka shënjestruar civilët dhe ka hedhur poshtë akuzat për krime lufte në atë që e quan një “operacion special ushtarak”.
Rajoni i Donetskut ka parë disa nga betejat më të ashpra të luftës së Rusisë kundër Ukrainës.
