Rinovimi i Paolo Dybala mbetet një çështje e hapur, palët do të nisin edhe një herë diskutimet gjatë muajit shkurt. Në fakt, në janar, drejtuesit e klubit janë të zënë me çështje të tjera, Dybala mund të pres, fundja dfrejtuesit e Juventus e ka thënë fjalën e tyre. Në tavolinën e fantazistit argjentinas qëndron një ofertë: 10 milion euro neto në sezon plus bonuse të ndryshme. Nëse Dybala pranon këtë ofertë, rinovimi zyrtar mund të vijë në çdo moment, por me sa duket numri dhjetë është ende i paqartë, të qëndrojë në Torino e të pranojë ofertën e Agnellit apo të vlerësojë ofertat e shumta që vijnë në drejtim të tij. Dybala nuk po kalon një moment të mirë, shpesh nuk është as preferencë e parë e trajnerit Pirlo, të gjithë këto faktorë kanë bërë që edhe vetë Dybala të marrë më shumë kohë për të vendosur për të ardhmen e tij.
Duke lënë më një anë çështjen Dybala, Andrea Pirlo mund të marrë frymë lirisht pasi brenda një kohë të shkurtër ka arritur të rikuperojë disa nga lojtarët e prapavijës. De Ligt ka lënë pas atë shqetësim muskulorë që pati gjatë ndeshjes me Fiorentinës, Demiral gjithashtu është rikuperuar plotësisht ndërsa në dispozicion të trajnerit do të jetë edhe Chiellini.
(BalkanWeb)