Ukraina ka nxjerrë ushtarët rusë të kapur në dhjetëra video në internet, ndërsa Moska më në fund pranoi se forcat e saj kanë pësuar humbje të mëdha pasi u shfaqën fotografitë që tregojnë trupat e luftëtarëve të Kremlinit.

Pamjet e postuara në internet tregojnë të burgosurit rusë të luftës ‘të demoralizuar dhe të rraskapitur’ të kapur pasi nuk arritën të depërtojnë mbrojtjen ukrainase në Kiev dhe Kharkiv gjatë fundjavës.

Disa nga videot u postuan në një kanal Telegram të krijuar të shtunën nga Ministria e Brendshme e Ukrainës, të quajtur “Gjeni veten”.

Shumë trupa ruse pohuan se besonin se po kryenin ushtrime stërvitore në rajonet kufitare dhe nuk e dinin se po dërgoheshin për të pushtuar Ukrainën.
Ndërkohë, ministria ruse e mbrojtjes ka pranuar për herë të parë humbjet në konflikt pasi u shfaqën disa trupa të ushtarakëve të Kremlinit.

Zëdhënësi i ministrisë, gjeneralmajor Igor Konashenkov nuk dha shifra për të vdekurit dhe të plagosurit e Rusisë, por tha të dielën se humbjet e vendit të tij ishin ‘shumë herë’ më të ulëta se ato të Ukrainës.

Ndërkohë, ministria e mbrojtjes e Ukrainës tha se numri total i viktimave ruse ishte 5300, megjithëse ky numër nuk mund të verifikohej në mënyrë të pavarur dhe numri i viktimave nga konflikti më i madh tokësor i Evropës që nga Lufta e Dytë Botërore mbeti i paqartë mes konfuzionit.

Pamjet që u shfaqën në Facebook tregonin një ushtar rus të kapur duke thënë se ai nuk erdhi në vend ‘me dëshirën për të vrarë’

Një tjetër dëgjohet duke folur në telefon dhe thotë se mendonin se ishin paqeruajtës.

Një tjetër që është plagosur dhe ka thyer këmbët thotë se nuk kishin informacion dhe nuk duhet të ndërhynin në Ukrainë. Ai iu thotë të tjerëve se nuk kanë çfarë të bëjnë në Ukrainë. “Kam gruan dhe 2 fëmijë në Rusi. Nuk ka nevojë të vini këtu vëllezër. Më vjen tmerrësisht keq që kam ardhur këtu”, thotë ushtari rus i plagosur.

“Ne erdhëm këtu me pretekstin e një stërvitjeje ushtarake. Trupat ruse përbëhen nga 80% rekrutë. Ne nuk po planifikonim për luftë në Ukrainë. Ne nuk po shkonim të vrisnim. Tani jam në qytetin ukrainas Poltava. Jam gjallë dhe me shëndet të mirë rob. Mesazhi im është ndaloni luftën në Ukrainë, është e pakuptimtë, njerëzit po vdesin, ushtarët po vdesin, nënat e tyre po i presin”, thotë një tjetër ushtar rus.

Ndërkohë një tjetër që prezantohet si shef i një toge, thotë se kishin marrë urdhër të rrethonin qytetin e Sumy.

Kur e pyesin se çfarë ka për të thënë ai deklaron: “Askush nuk ka nevojë për këtë luftë. Është e frikshme dhe e dhimbshme. Mos hajdeni këtu (rusëve)”.

Ushtarët nga Republika Popullore e vetëshpallur e Luhanskut u kapën nga ushtria ukrainase të enjten, disa orë pasi Rusia filloi një pushtim të vendit.

Një nga videot, e cila u publikua në Telegram herët të dielën, tregon një ushtar rus të kapur i cili e identifikon veten si Leonid Paktishev, 28 vjeç, komandant i një njësie snajperësh me bazë në rajonin e Rostovit.

Familja e Paktishev, duke folur për Guardian, tha se ata nuk ishin në dijeni se ai ishte dërguar në vijën e parë të frontit me Ukrainën – duke shtuar se ata besonin se i afërmi i tyre nuk e dinte as para vendosjes së tij.

“E dija se Leonid ishte në ushtri, por nuk e kisha idenë se ai ishte dërguar në Ukrainë. Unë mendoj se as ai nuk e ka ditur këtë”, tha motra e tij Polivtseva, e cila mbante mbiemrin e vajzërisë.

Familja shprehu tronditje dhe zemërim që Paktishev ishte dërguar përtej kufirit, por nuk dënoi pushtimin rus të Ukrainës, me Polivtseva që tha se ajo nuk ishte ‘kompetente’ për të gjykuar nëse veprimi ushtarak ishte i drejtë.

Pamjet e tjera që supozohet se tregojnë ushtarë rusë që thërrisnin familjet e tyre për t’u thënë se ishin kapur, por ishin të sigurt dhe po ‘trajtoheshin në mënyrë të drejtë’ nga forcat ukrainase.

Në një video, ushtari, i veshur me veshje ushtarake dhe një kapele të zezë, mund të dëgjohet duke i thënë nënës së tij se komandantët u kishin thënë trupave se “po shkonin si paqeruajtës në territorin e Republikës Popullore (të vetëshpallur) të Donetskut”.
“Në fakt, ka shpërthyer një luftë dhe ne jemi këtu duke bombarduar qytete”, thotë ai, para se t’i thotë nënës së tij që të mos bjerë në panik.

Një video tjetër e postuar në faqen e Facebook të Shërbimit të Sigurisë së Ukrainës tregon një ushtar 21-vjeçar nga snajperët duke u thënë kapësve të tij se ai ishte pjesë e stërvitjeve ushtarake përgjatë kufirit përpara pushtimit.

“Rreth dy javë më vonë na thanë të rreshtoheshim në kufi, dhe më pas befas e kaluam atë natën. Nuk kishte zgjidhje. Nëse do të kishim refuzuar të shkonim në luftë, do të ishim akuzuar për tradhti.’

Pamjet u shfaqën në Facebook të postuara nga ushtria ukrainase që tregonin një ushtar rus të kapur duke thënë se ai nuk kishte ardhur në vend ‘duke dashur të vriste’.

Në fund të javës së kaluar, zyrtarët ukrainas pretenduan se kishin kapur dhjetëra trupa ruse, mes tyre brigadën e 74-të që dyshohet se u dorëzuan në forcat ukrainase gjatë luftimeve të enjten.

Konstantin Buynichev, komandanti i brigadës, që besohet se ishte një togë zbulimi e përbërë nga 20 deri në 50 ushtarë, pohoi se ai mësoi për pushtimin vetëm të mërkurën dhe besonte se ata po ktheheshin në shtëpi.

Ai tha: ‘Askush nuk mendoi se ne do të vrisnim. Ne nuk do të luftonim – po mblidhnim informacione.’

Njoftimi për kapjen e Buynichev dhe trupave të tij u postua nga Ministria e Mbrojtjes e Ukrainës me një foto të një komandanti me një krah të fashuar dhe i veshur me një uniformë të gjakosur që dukej se thoshte “Ushtria Ruse”.

Të enjten, forcat ukrainase thanë se kishin kapur dy ushtarë rusë, të identifikuar si Rafik Rakhmankulov, 19 vjeç dhe Mgomd Mgomdov, 26, nga Kizilyurt, gjatë luftimeve jashtë Kharkiv, në lindje të Ukrainës.

Katër ushtarë të tjerë rusë, ekuipazhi i një automjeti luftarak BMP, u kapën nga forcat ukrainase pranë Luhansk të enjten në mëngjes.

Ata u fotografuan të shtrirë me fytyrë poshtë me xhaketat e tyre të tërhequra mbi kokë pasi u kapën nga trupat e Kievit.

Anëtarët e shërbimit ukrainas u fotografuan gjithashtu të enjten duke arrestuar trupa nga Republika e vetëshpallur Popullore e Luhansk, pasi ata u kapën gjatë një sulmi në qytetin Schast’ye në mëngjes.

Një video tjetër e postuar nga Ministria e Mbrojtjes e Ukrainës herët të premten dukej se tregonte të paktën nëntë ushtarë të tjerë rusë të kapur, dhe pamje të ngjashme u postuan në internet gjatë gjithë fundjavës.