ANGLI- Një shqiptar në Angli ka pranuar se kishte trafikuar 1 kg kokainë në një parking makinash.
Mësohet se shqiptari, Olsi Dama, 29-vjeçar, po transportonte drogë me makinë në Londër, ndërsa arrestimi i tij është kryer në mesditën e 14 gushtit. Pas kontrollit, autoritetet britanike i gjetën të riut shqiptar kokainë, e cila në vlerë tregu, kapte shifrat e 100 mijë paundëve.
Shqiptari i ndihmuar edhe nga përkthyesi deklaroi se mbante me vete kokainë të klasit të parë, ndërsa më pas do ta shpërndante në pikat ku ishte porositur.
Vendimi pritet të jepet me 8 tetor, ndërsa më pas ai rrezikon deportimin drejt Shqipërisë.
“Avokati në gjykatë theksoi se klienti i tij ishte një emigrant i jashtëligjshëm, i cili kishte pranuar për ta transportuar pakon me drogë në Plymouth në këmbim të parave, nga një person që e kishte takuar në një nga restorantet e Londrës”, raporton “plymouthherald.co.uk”.
Gjithashtu, në argumentet mbrojtëse, avokati shtoi se shqiptari ishte nën presion dhe se po merrte udhëzime me mesazhe për destinacionin se ku duhej shpërndarë droga, në kohën kur u arrestua nga policia britanike.
(n.m/BalkanWeb)