Qëllimet e vendosura nga Presidenti rus Vladimir Putin në fillimin e pushtimit rus duket se janë zbutur gjatë rrjedhës së një lufte që ai supozoi se do të fitohej me shpejtësi, shkruan BBC.

Putini e sheh këtë si një moment kyç në historinë ruse. Synimi fillestar i liderit rus ishte të mësyjë në Ukrainë dhe të rrëzonte qeverinë, duke i dhënë fund dëshirës së lidershipit për t’u bashkuar me NATO-n.

Ai i tha popullit rus se qëllimi i tij ishte “çmilitarizimi dhe denazifikimi i Ukrainës”, për të mbrojtur njerëzit që i nënshtroheshin asaj që ai e quajti tetë vjet bullizëm dhe gjenocid nga qeveria e Ukrainës.

“Nuk është plani ynë për të pushtuar territorin ukrainas. Ne nuk synojmë t’i imponojmë askujt asgjë me forcë,” këmbënguli ai.

Por nuk kishte nazistë dhe gjenocid, dhe Rusia ka imponuar forcë brutale në dhjetëra qytete dhe ukrainas të bashkuar e kanë kundërshtuar pushtimit. Megjithatë bombardimet vazhdojnë, por raportet e fundit nga bisedimet e paqes sugjerojnë se Rusia nuk po kërkon më të rrëzojë qeverinë, por ta kthejë atë një shtet neutral.

(BalkanWeb)