Ajo është një nga mbretëroret më elegante ku çdo paraqitje e saj bëhet temë diskutimi. Mbretëresha Letizia di të nxjerrë në pah çdo veshje që zgjedh dhe të njëjtën gjë bëri edhe në paraqitjen e saj të fundit në një event zyrtar në Spanjë.
Mbretëresha e Spanjës mori pjesë në një aktivitet për partneritetin e një organizate mediatike dhe një bamirësie spanjolle për të luftuar dhunën ndaj grave.
Ajo u fotografua duke mbërritur në Pallatin La Zarzuela me veshjen e saj të kuqe, e cila përfshinte pantallona të kuqe lëkurë dhe një pulovër të kuqe me detaje ari në mëngë. Diferencën në të gjithë pamjen e bënin takat e saj të larta, por edhe rripi i hollë që i vinte në pah belin.
Kjo nuk është hera e parë që e shohim Mbretëreshën e Spanjës të zgjedhë një pamje totale të kuqe, pasi në fillim të shkurtit, ajo u shfaq me një fustan të kuq kur ajo dhe bashkëshorti i saj Mbreti Felipe vizituan Angolën. Në këtë rast ajo kishte kombinuar një fund të kuq me një bluzë në të njëjtën nuancë dhe këpucë me taka të kuqe.