Një 50-vjeçar është arrestuar në Shtërpcë të Kosovës pasi dyshohet se në fshatin Gotovushë, ka ndaluar makinën dhe ka marrë një 25-vjeçare, të cilën gjatë rrugës e ka sulmuar seksualisht.
Policia e Kosovës, lidhur me këtë rast, patrulla ka marr veprimet e nevojshme dhe ka identifikuar personin e dyshuar A.H ( M/K) i moshës 50 vjeç, dhe vendin e ndodhjes së tij, e më pas e ka shoqëruar në stacionin policor në Shtërpcë.
Pas marrjes në pyetje, në prezencë edhe të avokatit mbrojtës, me vendim të Prokurorit të Prokurorisë Themelore në Ferizaj, i dyshuari është dërguar në paraburgim, për procedura të mëtejme hetimore , ndërsa rasti është cilësuar “Sulm seksual”.