Sipas Washington Post, funksionarët e qendrës për kontrollin e sëmundjeve dhe parandalimin, një organizëm i rëndësishëm i shëndetit publik amerikan kanë marrë një kërkesë nga qeveria të mos përdorin 7 fjalë në dokumente zyrtare për miratimin e bilancit të ardhshëm vjetor.

Termat e ndaluar janë:
“vulnerable”, “entitlement”, “diversity”, “transgender”, “fetus”, “evidence-based e science-based” (vulnerabël, e drejtë, diversitet, transgjinor, fetus, bazuar në fakte, bazuar në shkencë). Ky lajm ende jo zyrtar vjen nga një burim i Washington Post-it, një analist që kishte marrë pjesë në një takim prej 90 min me zyrtarë të CDC-së të ngarkuar për buxhetin. Një zëdhënës i departamentit të shëndetit të Amerikës e ka përgënjështruar duke pohur se CDC-ja do të vazhdojë të kryejë aktivitetin në kërkime shkencore në interes të qytetarëve.

Nëse nuk e shkruan, nuk ekziston
Nëse do të ishte e vërtetë, kjo do të përbënte një shkelje e të drejtave të minorancave seksuale në SHBA dhe ndaj politikave të edukimit seksual. Do të thoshte të mos flisje lirshëm për abortin dhe kontraceptimin, të parandalimit të HIV, orientimin seksual dhe gjinisë së ndërmjetme, por edhe për sëmundje si Zika dhe për patologji të fetusit. Do të thotë të mos i referohesh të dhënave shkencore dhe zvogëlimit të kërkimit dhe gjithnjë e më shumë të rezultateve kundrejt opinionit.

Raste të mëparshme
Nëse do të ishte e vërtetë, nuk është hera e parë. Gjatë muajve të kaluar, departamenti i shëndetit kishte hequr informacionet mbi personat LGBT nga sajti i tij dhe ky nuk është i vetmi sektor shkencor që po merret me format e censurës. Dy muaj më parë New York Times referoi se informacionet e lidhura me ngrohjen globale janë hequr nga sajti i EPA-s (agjencia për mbrojten e ambientit në Amerikë). /Burimi: Focus – Bota.al/