Një ngjarje e rëndë ka ndodhur sonte në rajonin e Dukagjinit ku persona të maskuar kanë qëlluar me armë zjarri në drejtim të autobusit me nxënës  që po shkonte në fshatin Gllogjan nga Komuna e Deçanit.

Mediat në Kosovë raportojnë se ka pasur të shtëna me armë zjarri në drejtim të një autobusi me nxënës. Ngjarja e rëndë ka ndodhur rreth ores 19:00 në fshatin Gllogjan të Deçanit, ku raportohet se ka edhe viktima.

Siç raporton Koha.net nga të shtënat me armë kanë humbur jetën tre persona, shoferi i autobusit, i cili ka vdekur në vend, ndërsa dy persona të tjerë, që mendohet se janë nxënës nderruan jetë me pas.

Ndërkohë mësohet se kanë mbetur të plagosur edhe dy persona të tjerë. Forcat e policisë së Kosovës kanë shkuar në vendin e ngjarjes dhe po hetojnë mbi rastin e rëndë që ka tronditur shtetin fqinj.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb