Një shtetas somalian u gjet i vdekur në një kamp migrantësh në ishullin lindor të Egjeut Chios, njoftoi Ministria e Migracionit të mërkurën.
28-vjeçari u gjet mesditën e hënë të kaluar (3 maj) në strukturën e VIAL, në fshatin Chalkios, nga disa somalezë të tjerë që thirrën policinë.
Një mjek ushtarak i cili ekzaminoi trupin vërtetoi se ai kishte vdekur për të paktën 10-12 orë më parë dhe identifikoi dy plagë në veshin e burrit dhe dorën e tij të majtë, me shumë gjasa të shkaktuara nga kafshimet e brejtësve.
Shkaqet e sakta të vdekjes pritet të sqarohen pas autopsisë. Ministria tha se autoritetet kanë përjashtuar mundësinë e ndonjë vrasje nga të tjerë, pasi nuk janë vërejtur mavijosje, lëndime ose plagë të dyshimta në trupin e burrit.
(Balkanweb)