Përleshje mes talebanëve dhe milicisë opozitare në Luginën Panjshir të Afganistanit.

Një zëdhënës i lëvizjes kryesore të rezistencës tha se 8 talebanë kanë mbetur të vrarë gjatë sulmit. Ndërkohë, krejt të kundërtën kanë pohuar talebanët, të cilët theksuan se trupat e opozitës kishin pësuar humbje të mëdha dhe se kishin humbur 3 pika kontrolli.

Forcat e Rezistencës Kombëtare po mbahen në luginën në veri të Kabulit. Panjshir është provinca e vetme që nuk është nën kontrollin e talebanëve.

Nuk është hera e parë që Lugina Panjshir ka qenë një pikë ndezjeje në historinë e trazuar të Afganistanit – duke qenë një fortesë kundër forcave sovjetike në vitet 1980, dhe talebanëve në vitet ’90. Luftimet janë raportuar gjithashtu në provincat fqinje Baghlan, Parëan dhe Daikundi.

(BalkanWeb)