Autoritetet egjiptiane informojnë, se kompania japoneze ka rënë dakord të paguajë një gjobë prej 550 milionë dollarë dhe të mërkurën mund të marrë kontrollin e Ever Given, e cila do t’i kthehet në lundrimit. Pas ngjarjes ku Ever Given bllokoi 422 anije për 6 ditë, Egjipti kërkoi 1 miliard dollar dëmshpërblim.
Autoritetet e Kanalit të Suezit në Egjipt kanë njoftuar këtë të diel se tashmë marrëveshja është arritur për gjysmën e kësaj shume, me kompaninë japoneze që ka në pronësi anijen gjigante të mallrave Ever Given, e cila bllokoi për 6 ditë kanalin në mars dhe është mbajtur “peng” që nga ajo kohë.
Egjipti kërkoi kompensim për kostot e operacionit të shpëtimit, por edhe për pasojat e bllokimit të kanalit nga kompania japoneze që ka në pronësi anijen, por këta të fundit reaguan në atë kohë duke thënë se aksidenti nuk ka ndodhur për fajin e tyre.
Kanali i Suezit është një nga rrugët ujore më të ngarkuara të transportit detar në botë, pasi është distanca më e shkurtër për kalimin e anijeve nga Oqeani Indian në Atlantik.