Ndeshja Shqipëri-Angli do të luhet pa praninë e tifozëve. Ministria e Shëndetësisë ka refuzuar kërkesën e Federatës Shqiptare të Futbollit. Në përgjigjen zyrtare që është siguruar ekskluzivisht nga “Balkanweb” dhe që mban firmën e zv/ministres Mira Rakacolli bëhet e ditur se prania e tifozëve në tribuna konsiderohet me rrezikshmëri të lartë.

Rakacolli I Kthen Pergjigje Fshf
Rakacolli I Kthen Pergjigje Fshf

“Zhvillimi i këtij aktiviteti sportiv me pjesmarrje të spektatorëve konsiderohet me rrezikshmëri të lartë për përhapjen e infeksionit Covid-19, kjo për shkak se shoqërohet me grumbullime njerëzish. Duke parë situatën epidemiologjike, në kushtet e numrit të lartë të rasteve të reja të infektimeve me Covid-19, Ministria e Shëndetësisë dhe Mbrojtjes Sociale nuk e miraton kërkesën tuaj”, lexohet në letrën e mbërritur në zyrtar e FSHF dhe që mban fdatën 17 mars.

Letra1
Letra1

Federata kishte kërkuar zyrtarisht rikthimin e tifozëve për ndeshjen e rëndësishme kundër Anglisë në eliminatoret e Botërorit 2022 që do të luhet në Tiranë me 28 mars. Sipas udhëzimeve të UEFA-s, FSHF kërkonte që një numer i reduktuar personash të ishin të pranishëm në respekt të të gjitha normave dhe protokolleve të sigurisë kundër Covid-19. Por kjo nuk do të ndodhë dhe duket larg dita kur në Shqipëri, tifozët të kthehen sërish në stadiume.
(balkanweb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb