Njohësi i zhvillimeve politike në Ballkan Daniel Serwer e sheh anëtarësimin e shpejtë të Serbisë në BE si kompromis për njohjen e Kosovës, por sipas tij ajo po kërkon të përfitojë diçka më shumë.

“Kompromisi përfundimtar është i qartë për mendimin tim: Njohja në këmbim të përshpejtimit të integrimit të Serbisë në Bashkimin Evropian. Serbia mund ta pranojë këtë marrëveshje tani, por do të presë të përfitojë pak më shumë”, deklaroi për RTV Dukagjinin, Daniel Serwer.

Duke folur për “non paper-in” e fundit Serwer ka thënë se qëllimi është që të ndikohet në dialog.
“Unë nuk e di se nga kush është shkruar ky ‘non paper’, por mund të imagjinoj se ka pasur qëllim t’i japë kahje tjetër procesit të dialogut mes Kosovës dhe Serbisë”.

Ministri i Jashtëm serb, Ivica Dacic duke folur për “non paper-in” e fundit ka thënë se është më i mirë se Pakoja e Ahtisaarit, por prap ka hedhur disa dyshime mbi të.
Ndërsa kryeministrit të Shqipërisë, Edi Rama së fundmi i është lakuar emri nga një medium gjerman se ai ishte në favor të ndryshimit të kufijve në Ballkan. Por Rama këto raportime i ka quajtur të pavërteta.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb