“Tribut për Ibrahim Kodrën”
Me 1 korrik 2020 në Muzeun shtetror (Lihtensteinisches Landesmuseum) në Lichtenstein, është peruruar Ekspozita qe paraqet një përmbledhje të veprave origjinale të mjeshtrit të madh shqiptar, Ibrahim Kodra.
Punimet vijnë nga koleksioni i Fondacionit zviceran “Ibrahim Kodra” nga Lugano qe udhëhiqet nga zonja Masha Pacolli, si dhe nga një ekzemplar nga koleksionet e Komunës së Campione d’Italia dhe nga koleksioni privat i familjes Pacolli etj.
Ekspozita u prezantua nga Drejtori i Teatrit Rainer Vollkommer, i cili nënvizoi miqësinë midis Muzeut dhe Fondacionit “Ibrahim Kodra” nga Lugano. Ai bëri një përshkrim të punës së përbashkët dhe të projekteve të rëndësishme të shkëmbimit kulturor.
Ai gjithashtu kujtoi udhëtimin e tij në Shqipëri, duke e quajtur Shqipërinë një tokë interesante arkeologjike.
Në aktivitet folën edhe pjesemarres tjere si, Zonja Katrin Eggenberger, Ministre e Puneve të Jashtme, drejtësi dhe Kulturë e Lihtenshtajnit, duke shprehur falenderimin e saj për këtë ajo përshkroi edhe situatën e vështirë ndërkombëtare.
Ilir Gjoni, Ambasadori i Shqipërisë në Konfederatën Zvicerane foli për Mjeshtrin e madh Ibrahim Kodren dhe bashkëpunimin kulturor midis vendeve tona. Ambasadori lexoi edhe letrën që kishte dërguar ministrja e Kulturës së Shqipërisë zonja Elva Margariti.
Sami Kastrati, Shefi i Konsullatës së Kosovës në Zuerich, foli për rëndësinë e diplomacisë publike dhe suksesin e madh të Kosovës gjatë këtyre viteve.
Folën dhe Adrian Andreja, Konsulli i Përgjithshëm i Kosovës në Milano i cili së pari lexoi letrën e Ajet Lecit, Drejtorit të Muzeut Kombëtar të Kosovës, që tregonte për ruajtjen e vlerave të trashëgimisë kulturore dhe programeve edukative qe zhvillohen në kuadër të bashkëpunimit midis Muzeut te Kosoves dhe Fondacionit i zviceran “Ibrahim Kodra”. Ai po ashtu tha se kultura është produkti më i mirë që secili vend mund të eksportojë.
Në fund publikun e përshendeti zonja Masha Pacolli, drejtoresha e “Fondacionit Ibrahim Kodra” e cila prezantoi punën e mjeshtrit të madh Ibrahim Kodra dhe shpjegoi se si Fondacioni mbart mesazhin e paqes përmes projekteve edukative, sociale dhe kulturore.
Ajo kujtoi gjithashtu, me emocion z. Franco Bozzini i cili ndërroi jetë ndërsa redaktonte katalogun e kësaj ekspozite që ishte edhe një nga sponsorizuesit e këtij eventi.
Në mirënjohje, Zonja Pacolli, në emër të familjes Pacolli, i ka dhuruar veprën e çmuar të artit të Ibrahim Kodrës “Totem con fisarmonica” Muzeut Kombëtar të Lihtenshtajnit.
Në këtë event morën pjesë edhe Ambasadori i Republikës se Kosovës në Paris Z. Qëndrim Gashi, zonja Jeta Abazi Gashi, Stefan Batliner, anëtar i Bordit të Muzeut Kombëtar të Lihtenshtajnit, Hermine Haug, presidente e Miqve të Muzeut Kombëtar të Lihtenshtajnit, Tom Büchel, drejtor i zyrës së Kulturës Lihtenshtajnit, Elena Pontiggia, historiane e artit dhe profesoreshë në Accademin e “Belle arti di Brera”, Stefano Mazzatorta, kurator, kritik i pavarur etj.
Zonja Masha Pacolli ua la patronazhin e kesaj ngjarje Ministrisë së Punëve të Jashtme – Republikës së Kosovës, Ministrisë së Kulturës, Rinisë dhe Sportit të Kosovës, Ministrisë së Kulturës së Kosovës dhe asaj të Shqipërisë, Ambasadës së Shqipërisë në Konfederatën Zvicerane/Lihtenshtajni si dhe Korpusut Diplomatik të Kosovës në Zvicër dhe Konsullates se Përgjithshme te Kosovës në Milano.
Pacolli falenderoi per bashkëpunimit e tyre për këtë event, Drejtimin e Muzeut Kombëtar të Lihtenshtajnit, zt Rainer Vollkommer, Muzeun Kombëtar të Kosovës, Galerinë Kombëtare te Kosovës/ Galeria Kombetare te Arteve në Tiranë, zt Mentor Nazarkon, Fatos Faslliun dhe për zt. Filippo Santoro Pippoanchio, per bashkpunimin me Fondacionin Ibrahim Kodra.
