Policia italiane ka informuar se është ekstraduar sot nga Shqipëria në Itali Artur Milaqi 32 vjeç, i arrestuar në shkurt në Durrës, në kuadër të operacionit të koduar “Metropolis”.
Ndaj Milaqit rëndon akuza e trafikut ndërkombëtar të drogës nga Kolumbia në Itali.
Milaqi konsiderohet kapo i një grupi trafikantësh që transportonin kokainë nga Kolumbia në Holandë e më pas në Itali.
Artur Milaqi pas mbërritjes sot në aeroportin Fiumicino në Romë është transportuar drejt burgut të Breshës në dispozicion të autoriteteve gjyqësore.
(d.xh/ BalkanWeb)