SHKODËR

Zbardhen detaje të reja nga krimi i dyfishtë në familjen shkodrane.

Gazetari Senad Nikshiqi raporton për “BalkanWeb” se viktima janë të moshuarit Fadil dhe Sanije Bandulla.

Ndërkohë, policia njofton se 79-vjeçari ka qëlluar për vdekje me armë zjarri bashkëshorten e tij, dhe më pas ka vrarë edhe veten.

Krimi i dyfishtë brenda familjes ka ndodhur në lagjen “Ahmet Haxhia” të qytetit verior, ku sipas policisë, në vendngjarje është gjetur dhe sekuestruar në cilësinë e provës materiale arma e zjarrit automatik, me të cilën dyshohet se ka ndodhur vrasja.

(BalkanWeb)