Një i moshuar në Tiranë është larguar nga banesa sot në mesditë dhe nuk është kthyer më pranë shtëpisë.
Familjarët kanë raportuar se ka humbur rrugën i afërmi i tyre Haqif Kaci, i ditëlindjes 28/2 /1942, i gjatë 1.90 m. Gazetarja Dorjana Bezat raporton për “Balkanweb” se të afërmit e tij kanë thënë se Kaci ka dalë nga shtëpia sot rreth orës 12.00 me drejtim nga Fushë Mëzezi për në Kamzë ose Durrës.
Ai ka veshur një këmishë të thjeshtë me vija, siç shihet në fotografi. Të afërmit kanë bërë kallëzim në Komisariatin numër 6 për humbjen e tij. I humburi Haqif Kaci mësohet se është gjithashtu i afërmi i një polici.
(d.xh/Balkanweb)