Policia e Tiranës ka arritur të kapë sot një personazh të dyshuar të krimit.

Blutë e kryeqytetit kanë arritur të prangosin Anterio Kaloshin.

Gazetarja Dorjana Bezat raporton për “News 24” se Anterio Kaloshi ishte duke udhëtuar me Meard Berberin.

Berberi është i dyshuar për ngjarjen e 8 gushtit në Tushemisht, ku u sulmua një hotel.

Ndërsa, Anterio Kaloshi ishte shpallur në kërkim nga policia shqiptare, për vrasjen e dyfishtë të ndodhur në Lushnjë në vitin 2017.

Në qytetin e Lushnjës, më 2017, mbetën të vrarë shtetasit Zamir Latifi dhe Jurgen Hoxha.

(d.xh/ Balkanweb)